Во всем каталоге

Раськеютконь футболонь чистэ Кочкуровань буесэ ютась вишка пильгеоскань пелькстамо Семилеень прявтонть казнензэ лангс. (ЭРЗЯ)

18 декабря 2017
Loading the player ...

Ламотнень туртов пильгеоскась — те аволь ансяк налксема, те – эрямо. «Норов» физкультурань-шумбралгавтомань кудосо ютавтовиця налксематнес пурнавсть 4 командат: «Кочкурвеле», «Семилей», «Сурвеле» ды «Луховка». Пелькстамонть арсицясь-пурныцясь – Семилеень администрациянь прявтось Александр Кудашкин. Васенце налксемасонть вастовкшность «Сурвеле» ды «Луховка»командатне. Тесэ седе виевельть омбоцетне. Михаил Аношкинэнь налксицянзо пансть ламо оскат ды изнясть 5:1 счётонть марто.
Омбоце налксемасонть эсь виест невтизь «Семилеесь» ды «Кочкурвелесь». Васенце пелькссэнть вийтне вейкетельть, ансяк седе тов «азортнэ» лиссть икелев ды изнясть – 4:1. Колмоце тарканть кисэ пелькстасть «Сурвелесь» ды «Кочкурвелесь». Ламо шкань перть васенцетне мольсть икеле – 3:1, ансяк меельце минутасто Кочкурвеленсетне пансть кавто оскат. Изницясь ливтевсь ансяк пенальтинь чавомань коряс. 10:9 счётонть марто изнясь «Сурвелесь». Прявт налксемасонть 1-це тарканть кисэ пелькстасть «Семилеесь» ды «Луховкась». Ашо оршамосо инжетне налксесть превейстэ ды бойкасто, покш мель марто. Сынь сеске лиссть икелев ды седе тов пряст эзизь максо. Изнясть – 5:0. Тесэ пек виевстэ невтизе эсь прянзо Александр Прытков эрзянь цёрась. Эйкакшпингестэ саезь сон свал осканть марто.
Пелькстамонь изницятне ды призёртнэ казезельть шнамонь конёвсо ды ярмаксо. Курок тесэ карми ютавтовомо од пелькстамо ды весе тагояк кармить ваномо вечкевикс командаст мельстуиця налксематнень.

Пожалуйста, выберите из нижеприведенного списка неточность которую вы увидели на страничке этого предприятия

^