Во всем каталоге

Покш Березникень буесэ ютасть вишка пильгеоскань пелькстамот (ЭРЗЯ)

11 января 2018
Loading the player ...

Те  иесь спортонь вечкицятнень туртов  пек учовиця! Содазь, тедиде масторсонок карми ютамо футболонь коряс масторлангонь чемпионатось.   Те шкантень спортонтень мельявомась редявиксстэ  кассь. Седеяк пек-пильгеоскань налксематнень коряс. Истя, Од иень читнестэ Покш Березник буесэ ютасть вишка пильгеоскань пелькстамот буень прявтонть казнензэ лангс. Коень коряс пелькстамотне, конат тедиде кемгавтовоцеть, ютасть Покш Березникень тонавтнема кудосо. Эрьва иестэ Иван Игонов прявтонть казнензэ кисэ эсь виень невтеме пурнавить ламо налксицят. Пётр Прокин зярыя иеть важоди спортонь кудонь прявтокс ды свал покш мельсэ сакшны эрьва кодат пелькстамотнень ваномо. Ансяк тельня пароль варштамс сокссо чийницятненьгак. Ды весе тень туртов анокстазь умок. Эряви тешкстамс, те иестэ пелькстамось ютавтовсь олимпиадань лувонть коряс: изницясь моли верев, изнязесь арды кудов. Налксематне аштесть кавто пельксстэ. Эрьвасонть 10 минутат. Васенце ютавтозь вастоматнеде мейле сехте вадрятнень юткс лиссть «Юниор», «Балтика», «Спартак» ды «Барс» командатне. Весе налксесть пек виевстэ, секскак эрьванть ортас пансесть ламо оскат. Кавто полуфиналтнэнь налксематнеде мейле финалс лиссть «Балтика» ды «Барс». Сынст ютксто сехте виевель «Балтикась», кона изнясь 3:0 счётонть марто ды саизе васенце тарканть. Колмоцекс кармась «Юниорось». Сон изнизе «Спартаконть» – 3:2. Теке марто пелькстамонь сехте вадря налксицякс лиссь Азат Амирханов «Барс» командастонть. Ортасо сехте вадря аштицясь – «Балтикасто» Кирилл Манин. Сехте вадря идицякс кочказель «Юниоронь» налксицясь Денис Забатурин. Арсематнень коряс, иень перть истят налксематнень кармить ютавтомо «Присурские вести» кулялопась ды Покш Березникень ветеранонь вейсэндявксось.

Пожалуйста, выберите из нижеприведенного списка неточность которую вы увидели на страничке этого предприятия

^