Везде

МР-нь раськень художникесь Н.Филатов теи В.Маргеловонь бюстонть. (ЭРЗЯ)

12 января 2018
Loading the player ...

Важодемань ушодомадо икеле скульпторось парсте ванынзе героенть биографиянзо ды фотографиятнень. Истя сонензэ сы образось. Седе тов тееви каркасось, конань лангс путови сёвонесь. Бюстось карми бетонсто, бронза ёнов тонировка марто. Истя лиси седе аволь питней. Ансяк художникенть валонзо коряс эряволь бу теемс алкуксонь бронзасто — истя кеврунгось седе куватьс ванстови. Комсь вете иетнень перть Василий Маргелов ульнесь Россиянь «сёлмов гвардиянь» прявтокс. Ине Отечественной войнань иетнестэ, Ленинград ошонь кисэ аштема шкастонть, сон кармась парсте содамо немецэнь танкатнень лавшо таркадост. А подвигтензэ, Мышковка леенть вакссо тюремадонть, снимазель «Горячий снег» фильмась. Самай истямокс, виев, кеме обуця, алкуксонть ушманокс несы сонзэ скульпторось. Николай Филатов свал вешнемасо. Сыця скульптуратнень сеедьстэ неи онсто. Истя сон неизе Пушкинэнь, Кудораськентень кеврунгонть. Мордовиянь прявт ошонть эряви мазылгавтомс, ды паро, тевесь те ушодовсь. Художникенть валонзо коряс, аволь свал эрявить покш кеврунгот. Лиясто вишкинетне седе саить мель. Мастерскойсэнзэ зярыя апак прядо роботат. Мастерэсь аноксты выставкантень, кона карми ютамо тунда.

Пожалуйста, выберите из нижеприведенного списка неточность которую вы увидели на страничке этого предприятия

^