Везде

Юлия Кинякинась — од сёрмадыхненди Мордовиянь Оцюнять литературнай премиянь сявись! (МОКША)

30 января 2018
Loading the player ...

Минь республикасонок оцю мяль шарфневи национальнай культурать касоманцты и виияманцты. Од ломаттне сяда сидеста ушедсть сотнема эсь эряфснон мокшэрзянь кяльхнень, койхнень-обуцятнень, историять мархта. Синь ётксост  Н.П.Огарёвонь лемса МГУ-ть филологическяй факультетонц мокшэрзянь кяльхнень кафедранц васенце курсонь тонафниец Юлия Кинякинась. Сон ёмланякс кивок кассь творческяй ломань ёткса. Мокшень кяльти и литературати стирнять тонафтозе сонь щавац, Мордовиянь заслуженнай тонафтысь Нина Кинякинась. Нинге школаса тонафнемста Юля Кинякинась ушедсь тяштема эрь кодама произведеният. Эсь маштомашинц сон панжезе мокшень кяльть коряс олипиадатнень эса, коса фалу пъцтай сяськондсь. Сонь азксонзон, стихотворениянзон и прозанц ушедсть печатлакшнема «Якстерь тяштеня»  и «Мокша» журналхнень эса. Тяниень пингть университетонь тонафнись фалу кемокстакшнесыне эсь маштомашинзон. Сёрмадомада башка сон пяк кельгсы кштиманц, мораманц, ожнаняста кодаманц. Якси эрь кодама творческяй фестивальсь и пялькстамас. Тяфтама эрек покодемать пингста аф юкснесы и тонафнеманц, сявонди аньцек цебярь отметкат. А къда ваномс щамонц лангс, то ули кода прамс дивас: сембе пяльде сон саласы ванфцень, марнек лангоц палы эрь кодама мазы тюсса. Кода азозе сонць стирсь – тя тяниень пингонь стилизованнай щам, конань кодазе сонць. Мархтонза морафнесыне и эсь произведениянзон. Кулевомок сонь мазы и шуваня вайгяленц, ули кода кулемс сонцень цёфксть  мораманц, эздонза  прясот шачихть валда арьсемат, а седити моли лямбе. Эрек творческяй покодеманц инкса тядде Юлия Кинякинась казьфоль од сермадыхненди МР-нь Оцюнять литературнай премияса. Кода азозе сонць  стирсь, мокшень кяльсь максси тейнза вийхть сай пингонь творчествань покодеманцты. Ваномок тяфтама од ломаттнень лангс ули кода кенярдемс, сяс мес шачема-касомань кяльть мархта синь аф аньцек арьсихть, корхтайхть, а тяштихть цебярьхть, смузьса пяшкотьфт, аф юкставикс произведеният, конатнень морафтомаснон мельгя пяшкодьсак эсь потмоцень мокшень литературань ару кожфса.

Пожалуйста, выберите из нижеприведенного списка неточность которую вы увидели на страничке этого предприятия

^